影片
更多
2020-03-05
367 瀏覽
豬肉愛好者天堂，絕對啱哂唔食牛嘅朋友～而家先知道佢原來有中文名叫豬門店，好惡搞但又好貼切，諗到呢個譯名果位員工好應該加人工xD.兩三年前都食過一次印象唔錯的，今次食到兩個豬肉主菜更加不得了，招牌德國鹹豬手味道剛好，夠入味但又唔會覺得好鹹，肉質亦外脆內軟；而另一個平時食開斧頭扒都係牛，豬版嘅斧頭扒真係第一次試，本身都幾驚塊豬咁厚要燒得熟應該會燒到肉質硬哂，但呢個竟然完全冇呢個問題，迫到個油香出嚟同時肉質又好嫩口，豬肉香同時帶微微烤焦味，非常出色！.另外兩個好IGable嘅拼盤都唔錯，小食拼盤重點當然係Scotch Egg，蛋夠流心外皮夠脆中層肉亦彈牙，另外豬皮脆片黃實有啲似蝦片嘅變奏版，多咗陣豬香而且鬆脆，配牛油果醬更滿足，仲有脆豬肋骨夠哂入味亦唔會好硬.甜品拼盤就處處邪惡，有心太軟有cheese cake有apple crumble，當中最得意係個Banoffee Pie，同出面色唔同，加入咗唔少朱古力元素變成一個變奏版.當晚仲有沙律同海鮮飯，質素都唔差，不過始終呢度都係專食豬，啲豬肉菜式整體都比非豬肉嘅更高質，不愧為豬門店呢
.
兩三年前都食過一次印象唔錯的，今次食到兩個豬肉主菜更加不得了，招牌德國鹹豬手味道剛好，夠入味但又唔會覺得好鹹，肉質亦外脆內軟；而另一個平時食開斧頭扒都係牛，豬版嘅斧頭扒真係第一次試，本身都幾驚塊豬咁厚要燒得熟應該會燒到肉質硬哂，但呢個竟然完全冇呢個問題，迫到個油香出嚟同時肉質又好嫩口，豬肉香同時帶微微烤焦味，非常出色！
.
另外兩個好IGable嘅拼盤都唔錯，小食拼盤重點當然係Scotch Egg，蛋夠流心外皮夠脆中層肉亦彈牙，另外豬皮脆片黃實有啲似蝦片嘅變奏版，多咗陣豬香而且鬆脆，配牛油果醬更滿足，仲有脆豬肋骨夠哂入味亦唔會好硬
.
甜品拼盤就處處邪惡，有心太軟有cheese cake有apple crumble，當中最得意係個Banoffee Pie，同出面色唔同，加入咗唔少朱古力元素變成一個變奏版
.
當晚仲有沙律同海鮮飯，質素都唔差，不過始終呢度都係專食豬，啲豬肉菜式整體都比非豬肉嘅更高質，不愧為豬門店呢
張貼
