坐忘

營業中

休息中

每次諗起豬軟骨都一定會諗起坐忘。今次叫左餐牌入面Dashi Soup Noodle入面既咖喱豬軟骨烏冬。呢度既咖喱汁有濃厚既咖喱香，雖然有少少辣但平時唔食得辣既我都接受到。每碗都會有兩大舊豬軟骨，煮到非常軟腍兼入味，完全咬唔到骨，因為D骨已經煮到淋晒，只食到肉同骨膠原。佢D咖喱汁份量都好足夠撈晒成碗烏冬有餘。烏冬食落煙韌有彈性，咬口十足。一啖豬軟骨、一啖咖喱烏冬，簡直人間極品！不過呢碗咖喱豬軟骨烏冬就只得少少椰菜同粟米。如果想食多D菜，可以另叫配料7種野菜。由或者可以叫佢地Lunch menu豬軟骨咖喱野菜飯，加$10轉烏冬。推薦必食呢度嘅豬軟骨，一試難忘。