珍姐海鮮火鍋飯店

營業中

休息中

喺中環返工咁耐， 原來有間性價比同質數咁過的餐廳。 餐廳位於中環和安里，即係老蘭附近一條橫街， 街尾重有個化寶爐的物體， 好容易揾。12:45pm 去到， 目測都有20-30人等緊， 珍姐真誇張， 等左15-20分鐘入座， 餐廳環境就唔算大， 但都算乾淨。 我就點左頭抽蔥油豬扒煎雙蛋飯。 同事就極品封門牛柳豬油撈麵。頭抽蔥油豬扒煎雙蛋飯， 上菜都極吸睛， 2隻太陽蛋有燶邊， 頭抽蔥油香氣四溢， 如果只有頭抽蔥油應該都可食幾碗飯， 實在太香了。 豬扒煎得剛剛好有小小脂肪， 正。極品封門牛柳豬油撈麵， 牛柳就牛味濃， 肉質上乘， 豬油撈麵又香又滑， 麵身爽口， 呢間一定要返轉頭。