永記潮州粉麵

營業中

休息中

修打蘭街是兒時回憶，尚記得香港80 年代初在街上仍然可以見到很多大排檔在經營，每日放學後都會在修打蘭街的大排檔食個午餐才回家，價錢平宜又味美。自選3 併油麵（豬什+牛腩+魚片頭）、多芹菜豬什係嚟永記必選之一，當然配油麵亦係兒時的回憶，麻甩佬的浪漫，大量芹菜的清香加上牙菜的爽口，再加幾滴魚露真係冇得頂。反而啲牛腩就一般般、中規中矩，魚片頭係交來貨、合格。自選3 併米粉（豬粉腸+豬腩肉+豬潤）豬粉腸入口爽嫩，無坊間一般粉麵店出品的苦味，喜歡內臓又不怕膽固醇的朋友一定米走雞。綜合永記係一間用心做好嘅平民粉麵小店，唯一要挑剔的是選用包裝木筷子+膠匙羹+牙籤+紙巾的包裝套餐餐具俸客。。。ok ok 、下次我會自備餐具嚟再幫襯的。