影片
更多
2024-02-16
81 瀏覽
最近朋友生日知佢鍾意食蠔又鍾意食好西，所以就嚟咗呢間餐廳慶祝一次過滿足晒佢嘅慾望，咁啱見到推出新年優惠，二位起每位隨機奉送雞提燈 / 雞皮 / 雞腸一串，雞提燈好罕見，唔係好多地方可以食到，而四位起就優惠價後每位再88折。鹿兒島 A5 和牛火鍋 x 三大名蟹宴半放題，分兩個時段不同收費，套餐每款食物都包含唔同嘅海鮮啱晒我哋，而且生蠔同Sake同生啤仲係無限追加。揀好飲品後店員好有效率出咗四道輕食，分別有鱈魚乾、翡翠螺、蟹粉蟹黃烏冬同松葉蟹天婦羅 ; 鱈魚乾又香又脆配啤酒一流 ; 翡翠螺通常食得最多嘅情況都係喺自助餐，通常都比較大隻而且肉質較厚實，但餐廳選用較年幼嘅翡翠螺，所以肉質相對嫩滑。串燒拼盤由廚師發板，當晚有明太子翠玉瓜、燒鰻魚、燒雞翼、燒五花腩，翠玉瓜超級正上面鋪滿勁多明太子，燒雞腸醬汁非常惹味，口感軟綿綿。生蠔大隻鮮甜所以叫咗好幾轉。自己超級鍾意食呢個飯糰，紫菜包住脆卜卜嘅飯焦飯糰，飯糰同紫菜之間夾住一件非常邪惡嘅鵝肝，而且飯糰裏面仲加入埋蟹肉，好味程度爆曬燈。雜菜盛合和牛火鍋，和牛選用鹿兒島 A5 黑毛和牛，和牛雪花紋都唔錯，牛味濃郁口感柔軟。最後就係鱈場蟹腳，食住和牛火鍋
最近朋友生日知佢鍾意食蠔又鍾意食好西，所以就嚟咗呢間餐廳慶祝一次過滿足晒佢嘅慾望，咁啱見到推出新年優惠，二位起每位隨機奉送雞提燈 / 雞皮 / 雞腸一串，雞提燈好罕見，唔係好多地方可以食到，而四位起就優惠價後每位再88折。
鹿兒島 A5 和牛火鍋 x 三大名蟹宴半放題，分兩個時段不同收費，套餐每款食物都包含唔同嘅海鮮啱晒我哋，而且生蠔同Sake同生啤仲係無限追加。
揀好飲品後店員好有效率出咗四道輕食，分別有鱈魚乾、翡翠螺、蟹粉蟹黃烏冬同松葉蟹天婦羅 ; 鱈魚乾又香又脆配啤酒一流 ; 翡翠螺通常食得最多嘅情況都係喺自助餐，通常都比較大隻而且肉質較厚實，但餐廳選用較年幼嘅翡翠螺，所以肉質相對嫩滑。
串燒拼盤由廚師發板，當晚有明太子翠玉瓜、燒鰻魚、燒雞翼、燒五花腩，翠玉瓜超級正上面鋪滿勁多明太子，燒雞腸醬汁非常惹味，口感軟綿綿。
生蠔大隻鮮甜所以叫咗好幾轉。
自己超級鍾意食呢個飯糰，紫菜包住脆卜卜嘅飯焦飯糰，飯糰同紫菜之間夾住一件非常邪惡嘅鵝肝，而且飯糰裏面仲加入埋蟹肉，好味程度爆曬燈。
雜菜盛合和牛火鍋，和牛選用鹿兒島 A5 黑毛和牛，和牛雪花紋都唔錯，牛味濃郁口感柔軟。
最後就係鱈場蟹腳，食住和牛火鍋睇住成個過程，廚師處理原隻蟹腳到燒完再擺盤上枱，蟹腳味道鮮甜。
張貼
