影片
更多
2010-09-01
63 瀏覽
阿叔係美國返黎，話咁快就走，睇怕都幾年後先有機會見，臨別點都要食好少少。觀塘區食肆都好多，但食得講究d既又好似唔算太多，最後揀左呢度，唔多唔少都同成日係電視見到呀乜哥有關。阿叔話美國可能d食材原因，d中菜得其形欠其實，所以返到黎都想懷念一番。坐底已叫左2樣小食，沙薑雞腳同冰燒三層肉，兩樣都好味，尤其個燒肉真係好脆，讚之後叫左個6人餐，有個翅，燒雞，蛋白蒸富貴蝦球，胡椒蟹伊麵，炒東星斑球，同埋竹筍蚌泡青蔬。 翅算唔錯，不過唔係好特別，基本水準。本人不太好蟹，所以都覺得麻麻。燒雞good，睇個樣已覺得燒得好靚，食落皮脆肉滑，不俗！！東星斑都好滑，阿叔話美國食d斑肉質好實，一d都唔好食。最特別係蛋白蒸富貴蝦球，賣相唔錯，蛋白上面仲舖左d土多啤梨同藍莓，幾得意，味道普通但夠創意。最好食既竟然係青菜，上湯浸菜好好食，d湯好鮮味，仲有d蚌都好鮮，值得推介。飯後仲有d蔬果汁，苦瓜汁同紅菜頭汁，味道其實麻麻，但見佢健康飲品，都知唔會太好飲架喇。是日晚餐完滿結束。埋單都要2千幾銀，唔算抵食，不過都冇法，始終親情勝金錢嘛。呵呵
阿叔話美國可能d食材原因，d中菜得其形欠其實，所以返到黎都想懷念一番。坐底已叫左2樣小食，沙薑雞腳同冰燒三層肉，兩樣都好味，尤其個燒肉真係好脆，讚
之後叫左個6人餐，有個翅，燒雞，蛋白蒸富貴蝦球，胡椒蟹伊麵，炒東星斑球，同埋竹筍蚌泡青蔬。 翅算唔錯，不過唔係好特別，基本水準。本人不太好蟹，所以都覺得麻麻。
燒雞good，睇個樣已覺得燒得好靚，食落皮脆肉滑，不俗！！東星斑都好滑，阿叔話美國食d斑肉質好實，一d都唔好食。
最特別係蛋白蒸富貴蝦球，賣相唔錯，蛋白上面仲舖左d土多啤梨同藍莓，幾得意，味道普通但夠創意。
最好食既竟然係青菜，上湯浸菜好好食，d湯好鮮味，仲有d蚌都好鮮，值得推介。
飯後仲有d蔬果汁，苦瓜汁同紅菜頭汁，味道其實麻麻，但見佢健康飲品，都知唔會太好飲架喇。是日晚餐完滿結束。埋單都要2千幾銀，唔算抵食，不過都冇法，始終親情勝金錢嘛。呵呵
張貼