影片
更多
2018-01-20
92 瀏覽
一直在中環返工嘅朋友話蘭桂坊居然開左車仔麵店，專程行過來一探究竟，價錢都好合理，隔離店食個花生都要三十草啦，今晚一於豪一豪佢叫多幾樣餸試試。位於蘭桂坊的蘭桂坊車仔麵，感覺有點呃鬼佬，哈哈，唔食過唔知嘅～枱好乾淨，有辣椒油，醋，豉油同牙籤，最正係有USB叉電位呀！裝修有花過心思。五餸麵（$60）朋友一口氣點個五餸麵，食碗車仔麵都要六十蚊？中環黎計唔貴啦，茶仔都要囉…餸要左牛丸，海膽丸，龍蝦丸，牛腩同五花腩片，一睇就知佢係食肉獸，哈哈，味道正正常常無乜驚喜。湯底要左麻辣湯，幾香辣油味，朋友話唔係好辣。麵要左菠菜麵，份量幾多，配埋麻辣湯幾正。三餸麵（$48）自己要碗三餸，揀左墨魚丸，豬紅同甜酸齋，味道一般般，都係啲現醒野無乜特別。車仔麵居然有烏冬揀唔使加錢，試下先，係即食烏冬，都幾彈牙無酸味，OK啦。湯底要左滷水汁，甜甜地咁，食完無口渴都幾好。炸魚皮（$18）椒鹽雞軟骨（$22）很香脆，新炸起熱辣辣，除左椒鹽仲加左少少辣椒粉，辣辣地很惹味。唐生菜（$18）見朋友淨係食肉，迫佢食下菜，很爽甜，但無調味嘅？仲以為會有蠔油添，不過無所謂啦，反正都放落湯到食。滋潤蜜糖水（$18）＆鮮榨甘蔗汁（$18
位於蘭桂坊的蘭桂坊車仔麵，感覺有點呃鬼佬，哈哈，唔食過唔知嘅～
枱好乾淨，有辣椒油，醋，豉油同牙籤，最正係有USB叉電位呀！
裝修有花過心思。
五餸麵（$60）朋友一口氣點個五餸麵，食碗車仔麵都要六十蚊？中環黎計唔貴啦，茶仔都要囉…餸要左牛丸，海膽丸，龍蝦丸，牛腩同五花腩片，一睇就知佢係食肉獸，哈哈，味道正正常常無乜驚喜。湯底要左麻辣湯，幾香辣油味，朋友話唔係好辣。
麵要左菠菜麵，份量幾多，配埋麻辣湯幾正。
三餸麵（$48）自己要碗三餸，揀左墨魚丸，豬紅同甜酸齋，味道一般般，都係啲現醒野無乜特別。
車仔麵居然有烏冬揀唔使加錢，試下先，係即食烏冬，都幾彈牙無酸味，OK啦。
湯底要左滷水汁，甜甜地咁，食完無口渴都幾好。
炸魚皮（$18）
椒鹽雞軟骨（$22）很香脆，新炸起熱辣辣，除左椒鹽仲加左少少辣椒粉，辣辣地很惹味。
唐生菜（$18）見朋友淨係食肉，迫佢食下菜，很爽甜，但無調味嘅？仲以為會有蠔油添，不過無所謂啦，反正都放落湯到食。
滋潤蜜糖水（$18）＆鮮榨甘蔗汁（$18）最後仲加埋飲品添，自己要左蜜糖水潤下，冬天乾燥嘛，微甜好正。朋友話佢支蔗汁起勁甜，但蔗汁係咁味㗎啦，哈哈。
唔覺唔覺點左好多野，埋單約一百蚊個人，食飽飽都幾好味，去蘭桂坊除左飲酒同食西餐外，又多左個選擇啦。
張貼
