八歌仙 (家樂坊) (已結業)

日本有六歌仙，香港有八歌仙。位於旺角的鬧中竟然有一間日系餐廳，餐廳以和式佈置為主，一入到去位置好闊落，以木同竹配襯，好似去左日本咁。兩小時任食放題，一坐低已經有待應叫我地選擇湯底，6選2。我地選擇左龍蝦蕃茄同麻辣豬骨湯底，龍蝦蕃茄超驚喜，真係有粒粒蕃茄肉同蝦頭，勁香濃！做火鍋完全唔洗再加醬油。麻辣豬骨湯底都好味，唔會死辣，煮豬腩肉好入味。烤肉方面，日本牛係必食，食完返唔到頭！！！極力推介要upgrade食任食日本牛，入口啖啖牛香，油脂分佈平均，停不了食食食。至於澳洲牛就相對有咬感，肉味濃。另外有5款刺身拼盤，特別一讚係帶子，大大粒好鮮甜。