燒肉の牛太・本陣 (創紀之城五期(apm))

因為知道過咗頭一輪入座就有排等，所以平日晚市6點前就嚟到攞位，直接入得，侍應安排咗張4人枱畀我地兩個人，所以坐得好舒服！


平啲價錢嘅放題Set唔包飲品，我地就叫咗豪華燒肉放題。食物用手機Scan QR code落單，5分鐘內就送到枱面，好有效率！肉類有豬牛雞海鮮，望落顏色同食落都好新鮮，有質素，但肉類調味就差啲，食落無咩味道，鹽味同醬味分別唔大，而枱上只有一支醬油畀你燒完調味，所以喺依方面有啲失色。


整體水平唔差，但無之前第一次食咁好食。