豚王 (荃灣廣場) (已結業)

今日一早瞓醒想食拉麵就去咗食豚王，見到限定王出咗鰹魚拉麵，就試吓，不過通常新嘅都係無驚喜，豚王啲拉麵其實全部都偏濃味，唔係好食到鮮味，堅魚湯拉麵上面就會係配京蔥，筍，冇咗我最鍾意食嘅黑木耳，所以我覺得黑玉赤玉好味啲🤣，面可以自己揀軟硬，啲肉肉質都可以，跟住我就加咗個糖心蛋同餃子，糖心蛋同餃子都冇特別，超級普通，餃子都要42蚊,再加多一支柚子味嘅汽水30蚊，真係唔平，講真支汽水真係好好味，我次次嚟都叫🤣，唔係好甜又好夠氣，我男朋友叫左黑玉，味道依舊濃，墨汁湯有啲蒜味，如果當晚餐嘅話就可能覺得唔夠飽，就要加少少小食或者加送，而家拉麵多咗好多選擇，所以呢間對比之下性價比唔算太高，因為唔算好好食😆我比較鍾意較清嘅湯底，但係鍾意濃湯嘅人就可以去試吓