的確, 店格局差不多全是坐吧枱, 旁邊只有一張細細圓枱仔. 坐底後, 我不斷找枱下的位置掛背囊之際, 店員溫馨提示可掛在走廊位, 咁就唔怕頂住腳或踩污糟, 讚!
雲丹拉麵 $198: 雲丹即係馬糞海膽, 每日新鮮運到, 所以是限量發售, 每日只係賣十幾碗. 海膽份量好多
, 估計足一大板. 選擇了幼麵, 麵質幼彈鬆軟, 一啖海膽夾著麵咁食, 海膽跟麵融合在一起, 每條麵條都沾上海膽, 啖啖都感受鮮甜甘香. 另亦有好多紫菜伴上, 可紫菜夾海膽食, 鬆口軟綿又有另一番滋味
. 食到中段先發現原來好多蜆收埋係底, 估計超過十隻蜆, 仲要唔係細細粒果D, 唔怪得個湯底都咁鮮甜啦.
味噌拉麵 $108: 店名叫豚燻, 果然豚肉帶有煙薰香, 豚肉乾而不鞋. 湯底濃而不油, 幼麵幼彈鬆軟
燒餃子 $38: 包得飽满, 幾大隻, 皮薄有肉汁
掦梅鳥唐 $38: 即梅子醬燒炸雞件, 味道酸甜開胃又清新, 雞肉嫩滑有肉汁
兩人埋單$382 (連加一), 雲丹拉麵令人好深刻, 無論味道, 份量及賣相都值得满分!
