M3 Italian (已結業)

喺大圍嘅呢一間M3 Italian 真係好吸引，環境氣氛裝修一流，樓底超級高！而且加埋好多唔同嘅歐陸風情嘅裝修，令到真係好似置身於外國嘅世界咁！氣氛相當唔錯！今次約咗一班朋友過嚟食大餐，真係叫咗好多唔同嘅嘢食！烤焗西班牙伊比利亞T骨豬扒。呢一個T骨豬扒好好食， T骨嘅位置令到呢個豬扒更加林！同埋好多汁好Juicy！帕爾瑪火腿芝士薄餅。呢一個芝士薄餅亦都好出色，薄餅係好薄好脆嘅餅底，上面嘅火腿亦都好香！油脂味道十足！香辣蒜片大蝦意大利粉。呢一個意粉嘅香辣味道好好，加埋呢個蒜片令到成個意粉好惹味！M3沙律。超級豐富嘅沙律，大大份沙律，而且上面仲有煙三文魚同埋火腿！再加埋三款唔同嘅醬汁，真係食得好過癮！最後就係呢一個巴伐洛娃蛋白餅。好特色嘅甜品，好香嘅蛋白味道，而且出面軟林林，入面脆卜卜！口感好好！