紫荊閣 (已結業)

喺紅磡呢頭返去工都會想搵啲新奇嘅去食，叫化雞其實真係唔會經常搵到點去食，見到呢間紫荊閣有叫化雞，咁梗係去試吓。叫化雞一上就會叫我地其中一人可以試吓拎錘仔揼下隻雞。 大家試吓玩吓又影吓相，旁邊嘅小朋友都覺得好新奇。叫化雞好有荷葉味而且鎖住左肉汁，一邊另外總會有紅棗，菇類等等，全部都覺得好入味，分量亦都足夠幾個人去食。另外都叫咗腿茸津白，津白爽甜，煮得剛好，每次出去食飯我都會叫菜黎中和下成餐飯食咗咁多肉，菜不嬲比我嘅感覺係必需的，係每餐晚飯入邊都有重要嘅角色。福建炒飯嘅材料好足，而且個汁令到啲飯粒都好易入口。分量亦都十足我哋幾個人去食完全足夠，食到我哋捧住個肚走。京都骨嘅味道香氣十足，味道剛剛好，酸酸甜甜亦有咸味10分開胃。 小朋友如果唔肯食飯食呢度菜就啱啦，因為佢的確令我哋枱嘅小朋友乖乖地坐定食飯。店員仲送上咗紅豆糖水，好香嘅陳皮味而且唔會好甜，另外全店都會有七折架， 買單果下即刻覺得好抵。又有七折又有送糖水點會唔試吓佢喎。