燒蝦蝦 (興泰大廈) (已結業)

放假約朋友聚會，去《燒蝦蝦》，有得玩又有得食！餐廳係屯門仁愛堂街45號興泰大廈地下，好易搵，一入去見到個蝦招牌和霓虹燈蝦和魷魚招牌勁Q呀！餐廳裝修好簡單，不過要燒烤所以都夠了，空間感好大，非常正呀！佢有熟食可以食，未燒好可以食住先，一面食一面等。熟食有菜，小食，鷄肉…都幾好食架！重頭戲當然係燒蝦燒海鮮啦！不愧係新鮮的蝦，大大隻，爽口又鮮甜，正到流口水🤤。生蠔都好正，肥美又濃郁，簡簡單單唔加調味已經好好食。四款生啤任飲，仲有罕有的1664生啤添！