翠河餐廳 (已結業)

今日出旺角有野買，有Ｄ趕時間，就同朋友隨便去順路既茶記快食。見倒常餐幾吸引，比普通茶記特別Ｄ。有沙律有多士，咁就試下啦。健康火腿沙律菜&奶油多配五香肉丁蕃茄薯仔螺絲粉薯仔粟米沙律配沙律菜，好奇特既港式西式FUSION，味道都正常既，不過沙律菜唔太新鮮，可能因為茶記選擇多，無咩人叫常餐啦。多士反而幾正，烘得暖又脆，配煉奶牛油穩陣幾好味。五香肉丁配蕃茄薯仔螺絲粉勁夾，變左辣蕃茄湯底，仲惹味左，肉丁都幾多，岩哂我重口味。不過份量超大，女仔完全食唔哂，攪到又浪費食物了。