咖啡灣 (荃灣千色匯) (已結業)

今日到荃灣食漢堡包，呢間不是一般快餐店，係有一隻天鵝作招牌，環境充滿愛，以粉紅色為主。餐牌上有意粉，墨魚汁飯，漢堡包餐等。我選了手作特級和牛漢堡配曲奇沙冰。和牛漢堡面層已鋪們秘製醬汁和芝士，和牛都幾厚，入口即溶，連同配菜一起食，口感十足。薯條炸得剛剛脆，仍保留薯仔味道。另一個是鵝肝和牛巨人漢堡，呢個係店長推介的。呢個漢堡真是巨大，有2種醬汁混合，鵝肝連同麵包一起吃，入口溶化，和牛有口感。芝士紫菜雞翼，雞翼炸到金黃色上面灑滿紫菜，外脆內軟，有小小紫菜味，除雞翼外仲配左小小沙律菜。都好好味。我地仲叫左曲奇沙冰，熱朱古力。曲奇沙冰係同曲奇妙脆差不多，多左個雪糕球，都幾滑，口感唔錯。熱朱古力香濃幼滑，仲有拉出小天鵝花，美麗又可愛，甜度適中。