✨ 午市套餐內容 ✨
柚子大蝦沙律
柚子清甜多汁，大蝦爽口彈牙，沙律汁酸酸甜甜好開胃，作為前菜好醒神！
小食拼盤（小）
有春卷、魚餅、蝦餅同泰式雞翼，每款都炸得香脆唔油膩，尤其係蝦餅，真係食到啖啖蝦肉，點埋甜酸醬更惹味。
泰式脆皮燒肉
外皮真係脆卜卜，肉質軟腍，油脂香濃但唔會太膩，配埋特製辣醬汁，非常惹味。
蝦醬通菜炒牛
略嫌咸左啲，由於朋友唔食牛，餐廳好好幫我圩轉左豬肉，似好嫩滑，送飯一流。
泰式炒金邊粉
經典之選，金邊粉炒得乾身唔油，酸甜平衡，配料豐富，有豆腐乾、芽菜、蛋絲同大蝦，口感豐富。
套餐附送甜品4件
當日係椰汁糕同千層糕，細細件唔會太甜。
🥤 特飲追加 (+$28 each)
香芒沙冰同菠蘿沙冰都好抵飲！果味天然，冰涼解渴，大熱天時飲真係透心涼。
🍽 追加項目
酸辣鳳爪
無骨鳳爪醃得入味，酸辣勁十足，蒜香突出，食到停唔到口，鍾意刺激口味嘅必點！
冬陰公湯海鮮卷卷粉
創意滿分！將冬陰公湯融入卷粉，湯底香濃酸辣，海鮮料足，卷粉索盡湯汁，好過癮。
三色香芒糯米飯
壓軸甜品無得輸！三色糯米飯口感煙韌，芒果香甜多汁，淋上椰漿，暖糯與冰涼交織，完美收尾。
