影片
更多
2020-12-11
1481 瀏覽
豐富新鮮海鮮蒸鍋八寶飯😋最近天氣凍左 成日打邊爐又有啲悶 今次就去左食海鮮蒸氣鍋🥰———🍲星級大鮑魚海鮮蒸氣鍋套餐 ($268/位)• 蟲草花龍眼瘦肉燉湯一坐低就有碗熱辣辣既湯暖下胃 燉足6個鐘 飲落冇味精 而且入面好足料😋 • 8款星級海鮮🦐鮑魚, 聖子皇, 帶子, 海蝦, 龍躉, 花蛤, 兩種貝類職員會幫手放野食去蒸,計時⌛️我地就坐定定等食😆大約5分鐘就有得食 全部海鮮都好新鮮!!蒸鍋呢個煮法令到啲鮮味出晒黎 好鮮甜😋鮑魚爽口彈牙 聖子大隻厚肉 清潔得好乾淨海蝦唔大隻但都幾彈牙 貝殼類鮮甜冇沙 如果再多啲就好啦🥰 • 八寶蒸飯喺30款配料入面揀8款做蒸飯揀咗蝦醬豬腩肉, 柱侯牛粒, 臘腸, 潤腸, 鮮淮山, 芋頭, 蒜香茄子, 南瓜😋 加埋蔥花同花生粒 撈埋一齊好香好豐富 我地兩個人食 每人有兩大碗 都幾飽下🤰🏼 • 無限量任食配料(2.5小時)食完海鮮就可以蒸啲配料食 牛小排蒸完牛味更顯濃郁🥰手打牛肉丸係佢地自家製既 食落似牛肉球蟲草花走地雞好嫩 一定要試😋 另外仲有娃娃菜,萵荀,粟米,芋頭最估唔到係竟然可以蒸糕點😍 總共有5款 今次試左四款 因為真係太飽😆 第一次試燕麥糕 甜甜
最近天氣凍左 成日打邊爐又有啲悶 今次就去左食海鮮蒸氣鍋🥰
———
🍲星級大鮑魚海鮮蒸氣鍋套餐 ($268/位)
• 蟲草花龍眼瘦肉燉湯
一坐低就有碗熱辣辣既湯暖下胃 燉足6個鐘 飲落冇味精 而且入面好足料😋
• 8款星級海鮮🦐
鮑魚, 聖子皇, 帶子, 海蝦, 龍躉, 花蛤, 兩種貝類
職員會幫手放野食去蒸,計時⌛️我地就坐定定等食😆
大約5分鐘就有得食 全部海鮮都好新鮮!!
蒸鍋呢個煮法令到啲鮮味出晒黎 好鮮甜😋
鮑魚爽口彈牙 聖子大隻厚肉 清潔得好乾淨
海蝦唔大隻但都幾彈牙 貝殼類鮮甜冇沙 如果再多啲就好啦🥰
• 八寶蒸飯
喺30款配料入面揀8款做蒸飯
揀咗蝦醬豬腩肉, 柱侯牛粒, 臘腸, 潤腸, 鮮淮山, 芋頭, 蒜香茄子, 南瓜😋 加埋蔥花同花生粒 撈埋一齊好香好豐富 我地兩個人食 每人有兩大碗 都幾飽下🤰🏼
• 無限量任食配料(2.5小時)
食完海鮮就可以蒸啲配料食 牛小排蒸完牛味更顯濃郁🥰
手打牛肉丸係佢地自家製既 食落似牛肉球
蟲草花走地雞好嫩 一定要試😋 另外仲有娃娃菜,萵荀,粟米,芋頭
最估唔到係竟然可以蒸糕點😍 總共有5款 今次試左四款 因為真係太飽😆 第一次試燕麥糕 甜甜地 有淡淡既燕麥味 薑汁糕超重薑汁味!! 不過最中意都係棗皇糕同黑糖蜂巢糕😋 如果唔係太飽應該會再encore🤣
• 黑糖桂花冰粉🍧
最後食埋冰涼q彈既冰粉 滿足地完結呢一餐☺️
另外可以加錢升級飲品任飲 種類都幾多
張貼
