辣吧 (已結業)

.海鮮大咖（每位$288/六款海鮮）每日都係由師傅精心挑選6-8款海鮮，夠晒新鮮！膏蟹都幾大隻，無論殼定肉都好多膏，肉質結實鮮甜。另外蝦、魷魚筒、扇貝、蜆、鮑魚、蟹柳都好爽口彈牙！湯底方面，可以揀蒜茸/冬陰公/麻辣。鍾意食辣既我梗係揀左麻辣啦，小辣已經好夠味。除左主角海鮮之外，仲可以自選4款配料。我地就揀左豆卜、金菇、白蘿蔔同土豆粉。全部都係勁吸湯，好入味！不過我以為佢土豆粉係薯粉黎，但就好似比左烏冬我地。唔好以為配料就好少，份量都係十足架！菠蘿汁、蘋果汁（$38）食辣野就梗係要嗌凍飲啦，我地分別嗌左菠蘿汁同蘋果汁，味道都算幾甜幾解辣，價錢又唔算太貴，大家都可以嗌黎試下。