一鍋瘋 (已結業)

今晚同朋友係旺角行街，到晚飯時間，我地就諗住去多野食既女人街搵野食，行行下到呢間一窩瘋，見佢賣點係一人一窩海鮮窩，好似幾正咁wor，就想試下喇。呢個海鮮粥底窩$198一位，有店選的海鮮拼盤，又有肉有菜的迷你拼盤，最後仲可以另外加自己揀的自選配料添！好豐富啊！比埋個timer你計住每款海鮮要煮幾耐好貼心粥底窩有四個選擇，分別係粟米、甘荀、椰子和紫薯，朋友揀左個最特別的紫薯。我就揀左甘荀。首先送黎的海鮮拼盤，有蟹、蝦、飽魚、蜆、花甲、花蚌等，款款都好新鮮！正呀食完海鮮就有餐廳的特選食材同我地自己揀既自選配料啦，肉類同丸類都好味，睇得出餐廳選擇食材都好嚴謹呢！食完已經飽左九成，最後加埋飯煮多一陣變成粥底，個湯底煮完咁多海鮮同肉已經變得好鮮甜了，所以最後個粥好好味！呢餐真係有驚喜呢！