美味故事 (已結業)

在旺角行完街，就上去了這間樓上鋪食西餐。裝修幾靚，坐得舒服，環境唔會嘈。這裡一個set包哂餐前飲品，餐湯，沙律，餐前小食，主菜，飲品及甜品。嘩!真的很豐富很抵食呢!餐前飲品是芒果菠蘿沙冰，酸酸甜甜的，很開胃，作為餐前飲品是最合適了。餐湯點了南瓜濃湯，甜甜地幾好飲，唔錯，很香南瓜味。左上角的是煙三文他他多士(餐前小食):多士好脆，煙三文魚又幾香，不錯。 左下方的是跟餐送的蒜蓉包，焗得幾脆幾香蒜蓉味。右方的是日式麻醬蟹柳沙律:日式麻醬幾好食，同沙律好夾，而且份量幾多，好滿足。慢煮安格斯牛柳配煙三文魚焗薯:貌相真的非常靚，就像一幅畫那樣，味道也當然不差，牛柳煮得軟熟唔會韌，好有肉汁味。煙三文魚好香，焗薯也焗得好香很惹味。飲品我選了是日餐飲水果茶，都幾好飲。甜品選了士多啤梨慕絲蛋糕，貌相真的很漂亮!士多啤梨好香甜好好食，慕絲又好滑。埋單$283元，一個人食到咁多野真係好滿足。