影片
更多
2018-09-22
416 瀏覽
都仲未入冬，我又無故想起雞煲。 放工會經過旺角， 咁啱朋友打嚟想 約食飯。 我地去咗陸陸雞煲， 之前舊同學聚餐去過， 食物質素唔錯㗎尤其是個雞煲， 個個都慕名而去， 不過就係難搵位囉。餐廳喺白布街嗰頭都幾多嘢食好熱鬧。 依家做緊雞煲海鮮火鍋套餐， 只係每位$298。 兩眼立刻放光， 因為個餐牌包括好多海鮮同我哋必食嘅item !餐廳樓高兩層， 裝修牆壁顏色鮮豔豐富。先嚟嘅冷盤小食-冰鎮花螺。 唔會韌，幾爽而且带甜。陸陸雞煲， 我們選了bb級辣， 打開煲蓋香噴噴， 自家秘製醬汁非常惹味， 覺得可以 小辣， 會令雞煲嘅肉更鮮香。 每件雞都吸滿醬汁的精華。 食完雞煲輪到另一主角出場-- 生猛龍蝦湯。 原隻龍蝦放入淆好嘅龍蝦湯， 鮮甜嘅程度喺呢一刻只係想不停咁飲湯。 店員教路先取起龍蝦在再拆解， 絕對需要動用工具。 龍蝦肉又甜又爽弹， 蟹鉗部分更加厲害。海鮮拼盤出場。 有廣島蠔，貴妃蚌，龍躉片，鮮鮑魚，大海蝦大頭蝦， 蟶子同蜆。 款款賣相新鮮。蟶子尤其鮮甜， 海蝦勁新鮮， 留意另外亦有一款係淡水大頭蝦， 裏面勁多蝦膏! 鮑魚亦鮮甜彈牙。呢個時候嘅湯底 充滿海鮮嘅精華同龍蝦嘅 味道， 鮮甜到不得
都仲未入冬，我又無故想起雞煲。 放工會經過旺角， 咁啱朋友打嚟想 約食飯。 我地去咗陸陸雞煲， 之前舊同學聚餐去過， 食物質素唔錯㗎尤其是個雞煲， 個個都慕名而去， 不過就係難搵位囉。
餐廳喺白布街嗰頭都幾多嘢食好熱鬧。 依家做緊雞煲海鮮火鍋套餐， 只係每位$298。 兩眼立刻放光， 因為個餐牌包括好多海鮮同我哋必食嘅item !
餐廳樓高兩層， 裝修牆壁顏色鮮豔豐富。
先嚟嘅冷盤小食-冰鎮花螺。 唔會韌，幾爽而且带甜。
陸陸雞煲， 我們選了bb級辣， 打開煲蓋香噴噴， 自家秘製醬汁非常惹味， 覺得可以 小辣， 會令雞煲嘅肉更鮮香。 每件雞都吸滿醬汁的精華。
食完雞煲輪到另一主角出場-- 生猛龍蝦湯。 原隻龍蝦放入淆好嘅龍蝦湯， 鮮甜嘅程度喺呢一刻只係想不停咁飲湯。 店員教路先取起龍蝦在再拆解， 絕對需要動用工具。 龍蝦肉又甜又爽弹， 蟹鉗部分更加厲害。
海鮮拼盤出場。 有廣島蠔，貴妃蚌，龍躉片，鮮鮑魚，大海蝦大頭蝦， 蟶子同蜆。 款款賣相新鮮。
蟶子尤其鮮甜， 海蝦勁新鮮， 留意另外亦有一款係淡水大頭蝦， 裏面勁多蝦膏! 鮑魚亦鮮甜彈牙。
呢個時候嘅湯底 充滿海鮮嘅精華同龍蝦嘅 味道， 鮮甜到不得了。 已經半飽了， 各種各樣火鍋配料陸續送上。
牛肩胛軟嫩富牛味， 牛肉粒油花豐盛，柔軟得來亦好有口， 啖啖滋味。
豬肉片薄切得嚟都好有咬口。
菇茵拼盤擺得好靚亦有 花心思修飾， 切得好靚。
蔬菜籃好別緻， 都係砌到好靚。
通菜，油麥菜，西生菜，旺菜， 應有盡有。
自家製嘅炸響鈴絕對不要錯過! 係熱辣辣炸起， 隔了一會仍然係脆身。 魚皮又大塊厚身又夠脆，正!
仲有墨丸，蝦丸同豬肉丸。 全部都是人手自家打製， 爽口彈牙!
五寶餃包括魚皮餃，雲吞，水餃，白菜豬肉餃， 韓式泡菜餃， 非常豐富。 白菜豬肉餃餡料豐富， 韓式泡菜餃少少辣辣地，泡菜味都好出， 幾特別。
套餐並不包括飲品， 我們都各自叫了汽水和薑啤解解渴。
最後店員拿了一些西瓜冰出來。 係真正把西瓜雪成冰， 雖然凍到牙都痺，但係確實解渴， 再加好似綠茶嘅雪糕糯米糍， 味覺為之清新ㄧ下。
張貼
