朋友想試吓一人烤肉，又想食D高質素既肉，我地就揀選左呢間有和牛既，見大家評分都好唔錯。
我揀左喜盛配冷麵套餐，朋友就選左匠盛配冷麵套餐，另外怕唔夠肉食，就叫多份九州雞頸肉。
落完單後店員送上兩碟燒肉汁，不得不讚同燒肉食好夾。喜盛有兩款和牛同一款雞，入面既和牛小腹柳小排油脂均衡，油花分佈均勻，入口即溶，厚薄都適中👍 而另一款和牛就更加有肉味，雞柳口感嫩中帶爽，非常嫩滑。匠盛都有小排同鹽味牛舌，牛舌好有咬口彈牙。推介😊
套餐可以加冷麵配搭泡菜，冷麵有咬口，加埋泡菜一齊食，非常解膩。
最欣賞係個爐，燒完都唔會有一大陣油煙味，兩人坐得都好舒服，一定有下次。
