影片
更多
2010-02-16
38 瀏覽
15-2-2010經常到百德新街 / 加寧街呢邊, 知道呢度新開了間「疑似冰室」, 又過嚟試試, 難得佢初二都開門. 4:xx pm 嚟到, 朋友已坐了喺度等我, 佢原來仲未食 lunch 並叫了「餐肉腸仔麵」($55):- 雖然標榜用日本版出前一丁, MSG 湯底又真係比普通版香,「MSG 度」亦好似比普通版的低, 但麵條淥得過腍, 完全無咬口的. - 腸仔用脆皮腸, 但完全無煎過的痕跡, 唔「脆皮」喎. - 無試餐肉, 睇賣相就十足我屋企買的 Hormel 牌, 應該差極有限?整體感覺係「用料好, 手勢差」的一碗公仔麵 (賣成 $55 一碗, 要求高 d 唔係唔得呀嘛?), 即使賣 $30 我都覺得唔抵, 豈有此佢吖 朋友亦叫了熱奶茶 ($14), 試了少少覺得幾滑口, 不過太多奶, 所以自己的奶茶就 order 了「少奶」... 飲落的確較少奶, 茶味較突出亦算香, 不過茶底有點稀, 最後又帶少少茶澀味, 有點掃興.另亦叫了一份多士 share 食... menu 上寫住「牛油沙糖多士」(好似 $12), 落單時自然「一份油砂多吖唔該」, 點知伙計阿哥唔知我講乜 , 問返我轉頭
經常到百德新街 / 加寧街呢邊, 知道呢度新開了間「疑似冰室」, 又過嚟試試, 難得佢初二都開門.
4:xx pm 嚟到, 朋友已坐了喺度等我, 佢原來仲未食 lunch 並叫了「餐肉腸仔麵」($55):
- 雖然標榜用日本版出前一丁, MSG 湯底又真係比普通版香,「MSG 度」亦好似比普通版的低, 但麵條淥得過腍, 完全無咬口的.
- 腸仔用脆皮腸, 但完全無煎過的痕跡, 唔「脆皮」喎.
- 無試餐肉, 睇賣相就十足我屋企買的 Hormel 牌, 應該差極有限?
整體感覺係「用料好, 手勢差」的一碗公仔麵 (賣成 $55 一碗, 要求高 d 唔係唔得呀嘛?), 即使賣 $30 我都覺得唔抵, 豈有此佢吖
朋友亦叫了熱奶茶 ($14), 試了少少覺得幾滑口, 不過太多奶, 所以自己的奶茶就 order 了「少奶」... 飲落的確較少奶, 茶味較突出亦算香, 不過茶底有點稀, 最後又帶少少茶澀味, 有點掃興.
另亦叫了一份多士 share 食... menu 上寫住「牛油沙糖多士」(好似 $12), 落單時自然「一份油砂多吖唔該」, 點知伙計阿哥唔知我講乜 , 問返我轉頭「油砂多?」, 最後係要講「牛油沙糖多士」佢先明白 (連基本茶餐廳述語都唔知, 仲叫自己做「冰室」, 豈有此佢吖 ) Serve 時更變了「油多 + 一包太古砂糖」(cf. 真正的油砂多: http://www.openrice.com/restaurant/commentdetail.htm?commentid=2037532) 不過都幾好食的 -- 留了邊, 烘得幾鬆脆, 牛油份量夠, 夠溶亦夠鹹香, 灑點砂糖上去, 還可以吧.
食物一般, 配套就絕對係近年流行的「復古」style (牆上的時鐘除外, 唔知是否真正的「舊」嘢?), 加上上述的「油砂多」事件, 真係「疑似」到唔「疑似」的一間「疑似」冰室!
每人放低 40 幾蚊, 雖然對「疑似」冰室唔算抗拒, 呢度的食物用料又真的不錯, 但手勢咁樣 , 已足夠令我打消再來的念頭了, 幫襯「疑似」冰室的話還是返灣仔食炒蛋多士 (http://www.openrice.com/restaurant/commentdetail.htm?commentid=2060390) 吧.
張貼
