影片
更多
2006-08-20
1 瀏覽
舊同事即將要離港北上工作好一段時間，臨走前為他戰行，祝他前程錦繡。早兩日已訂枱(四位)，去到見佢安排咗一張好細嘅圓形枱比我哋，問侍應可唔可以轉方枱，佢話我哋張圓枱已係四人枱，見她不太helpful，所以沒有堅持。Menu唔算豐富，亦十分大路，隨便點了幾款菜式:雜菇沙律($68)是全晚最食得落口的食物，雜菇夠多，vinegar dressing亦夠酸。燒羊架($98)和燒雞($84)燒到過哂火，只食到燶味，肉質亦偏鞋。牛尾risotto($65)就仲離普，成碟risotto只得一小件牛尾，問女侍應這裡的risotto是否只得一小件牛尾，她爽快地答：「係！」，友人覺得過份，於是堅持要她換，經理走過來解悉說，可能廚師兩份order一齊煮，導致我們這一碟少了牛尾，已order廚房為我們再做。不足兩分鐘，牛尾risotto再度上枱，今次有四小件，總算似番啲樣。我們四人都一致認為此菜式超級難食，牛尾不入味就不在話下，最難頂係的飯，超硬，味道徘徊係有味和無味之間，令人食不下嚥！甜品點了Napoleon($42)和Lime Cheese Cake($38)，希望可為此頓飯提高分數。Lime Chees
早兩日已訂枱(四位)，去到見佢安排咗一張好細嘅圓形枱比我哋，問侍應可唔可以轉方枱，佢話我哋張圓枱已係四人枱，見她不太helpful，所以沒有堅持。
Menu唔算豐富，亦十分大路，隨便點了幾款菜式:
雜菇沙律($68)是全晚最食得落口的食物，雜菇夠多，vinegar dressing亦夠酸。燒羊架($98)和燒雞($84)燒到過哂火，只食到燶味，肉質亦偏鞋。牛尾risotto($65)就仲離普，成碟risotto只得一小件牛尾，問女侍應這裡的risotto是否只得一小件牛尾，她爽快地答：「係！」，友人覺得過份，於是堅持要她換，經理走過來解悉說，可能廚師兩份order一齊煮，導致我們這一碟少了牛尾，已order廚房為我們再做。
不足兩分鐘，牛尾risotto再度上枱，今次有四小件，總算似番啲樣。我們四人都一致認為此菜式超級難食，牛尾不入味就不在話下，最難頂係的飯，超硬，味道徘徊係有味和無味之間，令人食不下嚥！
甜品點了Napoleon($42)和Lime Cheese Cake($38)，希望可為此頓飯提高分數。Lime Cheese Cake非常酸，我和友人都頂唔順，嗜酸的女同事卻非常欣賞。Napoleon賣相超衰，睇見都唔想食。這裡的Napoleon係用一塊已淋唔脆的酥皮包着一層又一層的開心果和白朱古力Mousse。白朱古力Mousse超甜，開心果又唔香脆，總之就唔得啦！
這裡的食物和Service都不合格，一定無下次。
張貼
