影片
更多
2021-06-15
2787 瀏覽
九龍城不嬲都有唔少好野食，除左隨處可見既泰國菜外，其實響複雜既橫街下，都有唔少既隱世小店響當中努力吸引大家既光顧。今日介紹既呢間就係以黯然銷魂漢堡為帶手菜式既樺得園W Burger。如果響平日午餐時間想黎光顧就要早少少，雖然樺得園既內在環境都唔細，但因為都有唔少既捧場客，所以都需要耐性慢慢等位。小編與老公就響1:30PM左右等，10分鐘左右就可以成功入座了。由於黯然銷魂漢堡($88)所用既菠蘿飽皮係限量供應，既然係為左呢個漢堡而黎，就當然即刻點左呢個先啦 (原裝版而唔係輕量版)! 同時老公因為想試下唔同地方和牛製成漢堡既分別，所以點左飛驒和牛漢堡($83)黎試試；同時我地都各加$38升級左迷你小食拼盤﹑以及三式腸拼盤。漢堡需要時間製作關係，所以拼盤先上。小食拼盤包括風味雞翼3隻﹑魚手指3條﹑以及脆炸洋蔥圈。風味雞翼其實類似BBQ燒雞翼，雖然肉質唔算滑，但炸為佐酒小食 (如果有)既話都還可以既；魚手指就偏向無咩味，似係平時冷藏用個類魚手指，變左好多時魚味會因為雪得耐而消失；洋蔥圈可能係鮮炸所以幾香，而洋蔥而唔會炸得過老而燶。三色腸拼盤方面，當我地仲以為會係用幼身既肉腸個陣，估唔到餐廳會用
如果響平日午餐時間想黎光顧就要早少少，雖然樺得園既內在環境都唔細，但因為都有唔少既捧場客，所以都需要耐性慢慢等位。小編與老公就響1:30PM左右等，10分鐘左右就可以成功入座了。
由於黯然銷魂漢堡($88)所用既菠蘿飽皮係限量供應，既然係為左呢個漢堡而黎，就當然即刻點左呢個先啦 (原裝版而唔係輕量版)! 同時老公因為想試下唔同地方和牛製成漢堡既分別，所以點左飛驒和牛漢堡($83)黎試試；同時我地都各加$38升級左迷你小食拼盤﹑以及三式腸拼盤。
漢堡需要時間製作關係，所以拼盤先上。小食拼盤包括風味雞翼3隻﹑魚手指3條﹑以及脆炸洋蔥圈。風味雞翼其實類似BBQ燒雞翼，雖然肉質唔算滑，但炸為佐酒小食 (如果有)既話都還可以既；魚手指就偏向無咩味，似係平時冷藏用個類魚手指，變左好多時魚味會因為雪得耐而消失；洋蔥圈可能係鮮炸所以幾香，而洋蔥而唔會炸得過老而燶。
三色腸拼盤方面，當我地仲以為會係用幼身既肉腸個陣，估唔到餐廳會用粗身既版本! (其實個鐵盤係平時西餐個類大碟，放左6條腸後剩低既空間都好有限) 每款肉腸都非常多肉汁，而且煎完後都做到有脆皮既效果，唔同風味例如香草等散發出黎個陣好香，好好好抵食!
差唔多食哂拼盤後，黯然銷魂漢堡到喇! 最重要既叉燒非常大塊同厚身，上面烤過既醬汁封鎖住肉汁，雖然太陽蛋比想像中熟，所以食個陣只能夠將蛋汁塗於叉燒上而唔能夠直接做流心效果，但蛋對醬汁做成既中和作用令整個漢堡又有層次。當然，其中一大特色既菠蘿包皮係新鮮烤焗出黎，所以能夠做到脆皮效果。第1啖咬落去個刻，因為叉燒保持到相當既肉汁，所以連埋脆面咁食好爽! 而包既底部因為吸收左肉汁，所以就算食到最後唔小心留低左包未食，都可以靠佢既肉汁令你唔會太悶。
(雞翼既放置係想俾大家留意到叉燒既尺寸有幾大，本身係小食拼盤之一既)
飛驒和牛漢堡既賣相非常簡單，而用料亦係傳統漢堡既酸瓜﹑蕃茄﹑芝士等。就係因為咁簡單，和牛柔軟而濃味既肉質就可以好易咁食到出黎! 雖然唔係話會有好多既肉汁，但因為柔軟既質地，食個陣就可以唔怕咬唔入而令其他配料飛出黎。小編老公話試完濃味既飛驒牛後，下次再試佢同同區近江和牛專門店合作既近江牛漢堡。
綜觀黎講，雖然連拼盤後既人均消費都要接近$130，但其實只係漢堡都足夠，同時如果未食過黯然銷魂漢堡既朋友絕對可以推薦，等你可以感覺下西式漢堡以外另一種利用港式食品製作既層次感吧!
張貼
