NINETYs (皇后大道東) (已結業)

Happy Friday食到間高質既餐廳特別開心，尋日放工去左位於合和中心對面既NINETYs，裝修簡約自然，坐位數量唔多，所以最好預先book位。佢地食品選擇唔多，但樣樣都有質素，menu有分Day or Night Time，有主菜、漢堡、pasta、甜品、咖啡等等。Mexican Chilli Avocado尼個小食同墨西哥脆片差不多，主要分別在於用脆炸雲吞皮代替墨西哥脆片，感覺更輕薄鬆脆，而牛油果醬味道新鮮清淡，配襯一流。Piggy Piggy上下兩塊漢保包又香又鬆軟，最出色係中間既肉，又厚又juicy既豬扒，應該係話叉燒先啱，令到成個Burger都與別不同。Taro meatball linguine四五粒大肉丸口感唔太實，配襯茄醬意大利粉香濃好味，而兩塊toast香口剛剛好。English Muffin Toast最後點左個甜品，底面兩塊toast夾住中間雲尼拿雪糕，再加蛋捲捽，多重口感。整體餐廳環境好，食物有質素，絶對令人心情放鬆愉快既一餐。