太子沢 (已結業)

今日同朋友入咗呢間日式拉麵小店，覺得有驚喜😍 嗌咗豚骨湯同黑蒜湯各一碗，各有特色，非常惹味，而且上面有好多配料，食一碗都飽晒😆 我哋仲嗌咗忌廉蟹餅同吉列炸蝦，炸到脆卜卜，鮮味十足，真係好好食😝 至於嘢飲，白葡萄汽水同蘋果汽水都好解渴，好消滯，好好飲😙 嗌小食同飲品仲可以減$15，性價比好高！環境方面，雖然係小店舖面唔大，但坐得舒適，裝修雅致，一路食麵一路聽住宮崎駿嘅音樂，就好似置身於日本咁，真係好治癒㗎🤣總括而言，真係好推薦呢間拉麵店，放工或者行街行到攰諗唔到食乜就入去啦，包你唔會失望😊