老點里 (已結業)

本身食點心小炒嘅老點里，而家轉身做車仔麵，新張期間仲免費送冷熱飲品，見咁抵就入去試下佢。🧊紅豆冰&🍋山渣檸檬薏米一坐低店家就熱情招呼飲咩，有茶啡、罐裝汽水、同特飲等，哈哈，貪新鮮試下山渣檸檬薏米水先，酸酸地好啱夏天飲，少少甜啱口味。朋友就要左紅豆冰，呢個紅豆冰都有加薏米，咬落多左口感都幾得意喎。🥢牛腩+咖哩魚蛋+紫菜+油麵自己點左呢碗三餸麵，湯底加麻辣小辣，賣相都唔錯，份量都幾多吖😋牛腩炆得十分軟腍，而且係半肥瘦嘅牛筋腩黎，味道同口感都讚。🥢魚餅+魚腐+魚片頭+豬腸+豬紅+河粉朋友呢碗犀利啦，叫左五餸成碗滿晒😁豬腸勁肥咬落爆漿，哈哈，豬腸就係要肥先好食！朋友個湯底揀左加秘制辣汁，個人覺得呢個比麻辣汁香口濃味，辣度雖然唔勁，但鹹香鮮味，強烈建議要加呢個湯底😆🐙章魚燒車仔麵居然都有章魚小丸子食？哈哈，又叫一份先。一份有五粒，外脆內軟仲粒粒都有章魚肉，幾好食。🐟炸魚皮好脆，放湯浸一浸，正。🥬油菜爽脆甜😆食咁多肉要叫返碟菜中和下。個個熟客入到黎都叫八餸麵嘅🤔好似係抵喎，下次試下先。