海景粥店

原來大圍冇乜好嘢食, 每逄假期仲特別人多tim~~ 人又多車又多, 想搵間茶餐廳食個tea都難,,,,,,,,,,,,,,,,離遠見到呢間鬼咁大個招牌, 行到去又仲有卡位, 所以就入咗去試................終於知道點解呢間仲有位坐....................

坐低之後係冇人理, 舉手落單舉到手軟, 仲要係咁啱亞叔拎粥比人行過隔離先幫地落單...............叫2碗艇仔粥+1個炸兩, 諗住佢個名係粥鋪, 叫呢2樣都應該穩陣, 但原來唔係lor~~~~

艇仔粥
不嬲食開都係花生+豬皮+魷魚+牛肉碎+魚片, 但呢度變咗, 魚片變咗做豬肚?? 佢都夠特別咯~~
個粥底非常唔得, 稀到粥水咁, 1碗粥我諗有8成係水, 2成係米, 而且又淡, 似飲水多過食粥~~

炸兩
油炸鬼唔脆我預咗, 但冇理由個腸粉皮係凍冰冰的, 雖然唔係即叫即整啫, 但都應該keep warm呀嘛???