譚仔三哥米線 (黃埔天地)

營業中

休息中

曾經有人講過人一世物一世最重要開心得徹底，而我最愛嘅就係食譚仔三哥，每次我食譚仔三哥嘅時候都會回味無窮，與其要我唔再食譚仔三哥不如叫我去死，因為譚仔三哥嘅味道不單只係平民美食，更係老字號。上一次食譚仔三哥嘅時候係我同同學放學嘅時候去食，當我地做完assignment 感到筋皮力盡嘅時候，我地行過譚仔三哥嘅門口同大家樂嘅門口中間，我地果斷選擇三哥因爲佢地嘅香味四溢，令我地按捺不住內心嘅小激動，行入鋪內坐底即刻叫左個炸醬腩肉小辣加蒜泥白肉，認真冇得輸，份量充足口味一流而且價錢合理。更重要嘅係我同同學之間一齊食譚仔三哥嘅回憶，令我沒齒難忘。