鉄人大盛 (已結業)

週末行完街，同表弟去試下鐵板燒既放題，以前食放題多數係食刺身壽司，但呢度生同熟既食物比例1:1，令到少食生冷野既女士們可以食更多! 首先default上左個刺身拼盤，好大份量，有三文魚腩，三文魚，希靈魚，赤貝，帶子，蝦等，非常豐富。放題有咁多款食物，當然冇可能係款款質素一樣啦，只要識得點，呢度真係食到高質既放題： 必食 - 鵝肝多士，雖然任食，但仲好食過普通西餐廳，鵝肝甘香多士夠脆。牛舌 - 軟硬適中，牛油味重。燒菠蘿 - 放題解滯之選，酸酸甜甜冇浸糖水。燒鰻魚 - 燒得干身收汁，味道夠。牛油帶子 - 剛剛好熟，軟滑鮮甜。燒羊架 - 肉質軟嫩，帶些少騷味 。燒左口魚邊壽司 - 燒左一燒既左口魚油出晒黎，魚香四溢。另外甜品有 haagen daz 雪糕，要記得出去拎。3百幾一位，對比旺角比較多既放題店黎講，呢度識揀既話係高質啲，而且上菜超快數量準確。