合利粥品店

營業中

休息中

早前合利粥品結業，粥舖香港仔得返間海皇粥店，病咗想食碗靚粥都無。合理粥品重開後首次光顧，生滾粥保持水準。今次嗌咗生滾肉片粥，即係豬肉片粥。粥底非常綿滑，唔會粥、水分離。而肉片好大塊，厚薄適中，最緊要係咬落去有肉汁，爽滑，好好味。好多粥舖D肉都煲到似湯渣，呢間粥舖就唔會，肉片係比鮮肉片，仲落足料，一碗大大碗，大約有十片。另外嗌咗叉燒腸，腸粉好滑，但叉燒普通，而且無其他配料例如芫茜，味道一般。見其他客人多數食齋腸，覺得都岩，最好食都係層腸粉皮，不如就咁嗌齋腸。生滾肉片粥29蚊，叉燒腸16蚊，合共45蚊，碗粥係抵食既。