影片
更多
2018-02-25
4217 瀏覽
之前一直想同朋友黎呢到食lunch 做下短暫小公主🤭...無諗過今日行行下 跟住就入左黎🤭🤭🤭情人節當日有2段時間分為:1)六點半至八點半2)八點半至10點半餐廳係以歐陸設計為主，環境優雅我地就係食第一段時間😋坐低我哋就只需要揀前菜再同埋主菜啦，其他就會跟返情人節套餐已訂咗嘅特色菜式同埋甜品！😇當等緊我哋嘅前菜之時，侍應準備咗啲多士同埋法包俾我哋！前菜我揀咗三文魚配香煎帶子😋帶子兩邊輕微煎過有啲香脆，應該加左一啲檸檬汁食落口少少酸，好開胃！仲有一啲魚子要調味唔會太咸！😋😋😋那個他就揀左鵝肝😋😋😋但對我黎講鵝肝有啲太肥啦！我真係唔夠膽自己叫一份食😣之後佢就分咗一小部份比我試啦😽😽😽擺落口真係停唔到口呀！好！好！味！鵝肝四邊都煎到好香脆，食落口係好香軟㗎，不過真係有啲油膩🤫🤫🤫肥妹仔忌食太多本來以為呢一餐係以西式食物為主，原來餐湯係中式既，呢個湯青得來有啲似羅宋湯，裏面仲有一個小鮑魚！幾好食，比起平時嘅鮑魚佢比較偏林！👍我選擇左食西冷牛扒，侍應準備將我個牛扒送到我面先啦🤤🤤🤤牛扒方面，我選擇左五成熟，食落口係比較鬆軟，唔會多筋，容易入口！配菜方面有鮮冬菇菠菜同埋一夠叻煎個嘅粉團(呢個就真係
情人節當日有2段時間分為:
1)六點半至八點半
2)八點半至10點半
餐廳係以歐陸設計為主，環境優雅我地就係食第一段時間😋
坐低我哋就只需要揀前菜再同埋主菜啦，其他就會跟返情人節套餐已訂咗嘅特色菜式同埋甜品！😇
當等緊我哋嘅前菜之時，侍應準備咗啲多士同埋法包俾我哋！
前菜我揀咗三文魚配香煎帶子😋帶子兩邊輕微煎過有啲香脆，應該加左一啲檸檬汁食落口少少酸，好開胃！仲有一啲魚子要調味唔會太咸！😋😋😋
那個他就揀左鵝肝😋😋😋但對我黎講鵝肝有啲太肥啦！我真係唔夠膽自己叫一份食😣之後佢就分咗一小部份比我試啦😽😽😽擺落口真係停唔到口呀！好！好！味！鵝肝四邊都煎到好香脆，食落口係好香軟㗎，不過真係有啲油膩🤫🤫🤫肥妹仔忌食太多
本來以為呢一餐係以西式食物為主，原來餐湯係中式既，呢個湯青得來有啲似羅宋湯，裏面仲有一個小鮑魚！幾好食，比起平時嘅鮑魚佢比較偏林！👍
我選擇左食西冷牛扒，侍應準備將我個牛扒送到我面先啦🤤🤤🤤
牛扒方面，我選擇左五成熟，食落口係比較鬆軟，唔會多筋，容易入口！配菜方面有鮮冬菇菠菜同埋一夠叻煎個嘅粉團(呢個就真係麻麻啦🤭🤭🤭)
那個他就揀咗鮮蝦肉釀龍利柳，可能鮮蝦嘅肉已經變成蝦蓉釀左係魚到，我地都搵唔到啲蝦仔喺邊度啊😗😗😗味道都唔錯嘅！
咁的骰嘅小甜品其實係朱古力脆皮小雪糕，細細粒容易擺落口斯斯文文又一粒🤫斯斯文文食一粒！淨係我食晒🤗
最後甜品就係一個芝士蛋糕配雲呢拿雪糕同埋集妹慕絲蛋糕！其實未食甜品應食到飽飽地😂但係又唔可以嘥咗個甜品喎😚😚😚個人比較鍾意食芝士蛋糕鍾意香濃嘅芝士味！
開心嘅係餐廳裏面，為我地演奏音樂，演奏左我鍾意既一首歌Sugar!令到呢一晚嘅晚餐更加完美，更加美滿！呢一晚食飯食得開開心心的，多謝那個他 帶我嚟到呢間餐廳做咗兩個鐘嘅小公主！
情人節快樂💕
張貼
