金加利餐廳 (已結業)

我係金加利食野都有約7年,由早餐,下午荼到晚飯都一個星期有2,3次係到食野,但近年D食物又貴左又唔好食以往嘅下午茶多人到要拎飛仔等叫號碼,而家就算星期六,日都唔洗等位.就知乜事!今日叫左個下午茶,鴨胸公仔麵配腸仔蛋,因之前嘅D麵好硬似係用熱水滾過然後有單就煮一煮就出,所以今次落單時講左話D麵要淋D,但來到嘅時候D麵仲係好硬,都算!腸仔蛋我講話要太陽蛋,來到嘅時侯太陽蛋以經穿左仲要煎到好乾,都算!廢事曹!食曬野杯凍O荼先到,杯O荼嘅荼反曬又深色仲好澀飲左一半算啦!光顧左甘多年係時侯要講再見先啦!再係甘落去只會越來越小人去光顧希望可以改善吓啦!