騷 (已結業)

話得諾士佛臺另一好去處，就梗係講樓上既酒吧啦！呢一間雖然地方唔大，但又會令人覺得舒服既感覺，仲有LIVE BAND TIM！來到酒吧，梗係要試下佢D粟米片啦墨西哥芝士粟米片（配自家制蒜香醬）好少可去一間酒吧可以食到”脆”既粟米片！呢間就做到了！唔止脆，仲好”芝”味，完全冇偷工減料，佢呢個醬絕對係自家制，出面一定食唔到，同粟米片味道好夾，做到舔又得唔舔又得。份量超多，多到食唔哂。Mini Burgers (100%手打豬肉）好少可會食到豬肉既Burger，估唔到呢度做到不比牛遜色。餐牌註明左係100%手打，我食完都100%肯定係手打，有咬口，食得出唔係求其買反黎果種！啡菇（配自家制黑松露醬）蟹肉忌廉意粉伴碟好靚，好濃郁既忌廉味，又唔會覺得膩。手工啤酒鹹檸啤真係有鹹檸味，我本人就好鍾意，好有特色，其實唔係好鹹同好檸，但又有鹹檸味喎，未試過真係要試下！Paljas Rose呢隻就易入口D，也都甜D，好岩女士飲用。