影片
更多
2000-12-16
65 瀏覽
呢年諾士佛台尾段大興土木,幾個月前在10 號地段開o左幾間餐廳,有Island Seafood , 香辣屋等等....睇落好像成個名店坊搬o左過來? 不過對老尖搵食之人有福喇,又多個選擇在諾士佛臺.........在香港想食俄羅斯菜,識食之人會諗起去伊利近街的"三套車" ,平民港式少少可去皇后,但係上兩個月在諾士佛台10號靜悄悄開o左間"Balalaika"~就算今晚周六黃金時段都無乜人,無訂位也可直行直過,棟o左門口個外籍女經理相信係俄國人,對呢間餐廳初步印象唔錯。有間房有水晶吊燈紅色厚廉,華麗堂皇,不過要包房相信每人最低消費都唔o野少...全港唯一一個volka 冰櫃,櫃內氣溫拍得住冬天的加拿大安省~入到去飲volka 有咩感覺???? 唔識答你亦唔會答你,小弟真係沒有膽量去嘗試...頭盤一個熱一個凍,凍果個係芝士蛋,做法係拾熟隻蛋,取出蛋黃,再加芝士,紅椒,青椒搞暈~唔錯,不過份量真的好少,伴碟的沙律菜好新鮮.... 熱o個個係俄羅斯腸,比我上星期在Belgo 吃過的野豬腸幼細,味道無咁激,不過若果點上芥辣吃又唔同講法. 莫斯科羅宋湯同出面周街都係o個d 唔同,用料好簡單
有Island Seafood , 香辣屋等等....睇落好像成個名店坊搬o左過來? 不過對老尖搵食之人有福喇,又多個選擇在諾士佛臺.........
在香港想食俄羅斯菜,識食之人會諗起去伊利近街的"三套車" ,平民港式少少可去皇后,但係上兩個月在諾士佛台10號靜悄悄開o左間"Balalaika"~
就算今晚周六黃金時段都無乜人,無訂位也可直行直過,棟o左門口個外籍女經理相信係俄國人,對呢間餐廳初步印象唔錯。
有間房有水晶吊燈紅色厚廉,華麗堂皇,不過要包房相信每人最低消費都唔o野少...
全港唯一一個volka 冰櫃,櫃內氣溫拍得住冬天的加拿大安省~入到去飲volka 有咩感覺???? 唔識答你亦唔會答你,小弟真係沒有膽量去嘗試...
頭盤一個熱一個凍,凍果個係芝士蛋,做法係拾熟隻蛋,取出蛋黃,再加芝士,紅椒,青椒搞暈~唔錯,不過份量真的好少,伴碟的沙律菜好新鮮....
熱o個個係俄羅斯腸,比我上星期在Belgo 吃過的野豬腸幼細,味道無咁激,不過若果點上芥辣吃又唔同講法.
莫斯科羅宋湯同出面周街都係o個d 唔同,用料好簡單,椰菜絲,紅椒絲,青椒絲,味道都唔同,無咁辣..
唔知正宗的俄國菜館上串燒果時係咪會較暗燈光,點火o黎招"火焰串燒" 之後全體拍手掌?? 但係呢處就係喇~排骨串燒到外面好脆,骨都軟埋,不過肉質都係咁上下,同屋企食豉汁蒸排骨差唔多.~
海鮮批份量絕不怯場,大大舊酥皮批,仲有兩舊三文魚,兩舊Black Cod 魚,一隻大蝦..酥皮批內包住飯,三文魚等等~飯外表同味道有點似菜飯.是晚頭盤主菜都係share 來吃,否則個酥皮批一人之力未必食得晒.
甜品Russian Pudding,伴手指餅來吃,入口好滑,碟底的汁好有酒香,但係亦帶點藥水味.........
環境絕對o岩拖友去,夠靜局也~另樓上開o左間"Club Havana" ,雪茄紅酒BAR~杏仁仔,碇壞人又有新蒲點喇.
張貼