鵝鹵宮 (已結業)

諗住出咗消費劵，出街食餐好，番入Yoho搵好嘢食。見到開咗間叫鵝鹵宮，應該主打食鵝肉。咁多人幫襯，就試吓喇。點咗5樣嘢，1.蘿蔔絲酥：酥皮係好酥，味淡，油，冇乜蘿蔔絲😐；2.麻沙煎堆：正常；3.春卷：味淡，但係好膩😑；4.鵝肉撈麵：造型ok，頗多鵝肉，但係啲麵一啲都唔爽，仲要腍到呢唔酥脆，咸😒；5.炸魷魚鬚：炸漿較粉厚，似酥炸生蠔層皮……😕量不多，味道嚟講唔抵食之餘，連普洱茶都淡而不香，茶芥$18/位，另加一收費，再加前菜費用。2個人午餐盛為$353.1，飽嘅，不過冇樣嘢特別之餘，亦都可一不可再