影片
更多
2010-07-17
47 瀏覽
去到台灣, 唔係食清燉牛肉麵, 就係食帶川風的紅燒牛肉麵.而新來報導的 "請頒獎台灣牛肉麵" 最出名的 - 是人氣牛肉乾拌麵? 招牌清燉牛肉麵? 定什麼也是金牌或招牌的紅燒牛肉麵?程班長自己, 又最有信心"頒獎"比邊個呢? 我頒錯咗或最後唔肯頒獎, 又會唔會比人係網上鬧? ***********************************紅燒牛肉水餃麵 -紅燒牛肉 - 是將牛腩肉炒過再用香料爆香, 然後加米酒, 紅糖, 豆瓣醬, 辣醬以1-2時間燉煮. 湯低 - 放入中藥同牛骨煮長時間煮的高湯.麵 - 粗的家常麵.水餃 - 多菜少豬肉版, 水餃皮從台灣入口.上桌時 - 將紅燒牛肉同汁加上湯低同麵, 再加點酸菜同葱花便成其實這種紅燒方式, 同法國佬嘅 Boeuf Bourguignon 或印尼嘅 Rendang 煮法有共同點, 就是要將肉煮稔後再收回肉汁, 而程班長的紅燒牛肉, 效果就好像不太夠煮得入味, 還有點硬同韌的感覺, 也有一兩件食落好像似肋骨肉多過牛腩的部份! 整天也在網上駁咀, 一時說香港買到的澳州牛肉質地不行, 第二日又話香港人唔識食在食友留言裡挑釁,
就係食帶川風的紅燒牛肉麵.
而新來報導的 "請頒獎台灣牛肉麵" 最出名的 -
是人氣牛肉乾拌麵? 招牌清燉牛肉麵? 定什麼也是金牌或招牌的紅燒牛肉麵?
程班長自己, 又最有信心"頒獎"比邊個呢?
我頒錯咗或最後唔肯頒獎, 又會唔會比人係網上鬧?
***********************************
紅燒牛肉水餃麵 -
紅燒牛肉 - 是將牛腩肉炒過再用香料爆香, 然後加米酒, 紅糖, 豆瓣醬, 辣醬以1-2時間燉煮.
湯低 - 放入中藥同牛骨煮長時間煮的高湯.
麵 - 粗的家常麵.
水餃 - 多菜少豬肉版, 水餃皮從台灣入口.
上桌時 - 將紅燒牛肉同汁加上湯低同麵, 再加點酸菜同葱花便成
其實這種紅燒方式, 同法國佬嘅 Boeuf Bourguignon 或印尼嘅 Rendang 煮法有共同點, 就是要將肉煮稔後再收回肉汁, 而程班長的紅燒牛肉, 效果就好像不太夠煮得入味, 還有點硬同韌的感覺, 也有一兩件食落好像似肋骨肉多過牛腩的部份! 整天也在網上駁咀, 一時說香港買到的澳州牛肉質地不行, 第二日又話香港人唔識食在食友留言裡挑釁, 一陣又說到自己好叻絕對唔會學人家地咁用木瓜粉梳打粉把牛肉鬆化. 之後再接再厲, 寫埋自己食評, 話人家用的是紅蘿蔔湯底 (其實我都有講過, 哈哈!). 有時都唔知係權發班友定班長自己寫的, 好像兩邊都有, 好討厭! (不過, 佢話 check IP 個件事, 我倒覺得佢真係應該 defend 自己嘅, 因為真係有人刻意中傷, 而這只是我個人理解! ) 但同網友爭論, 就有點不好吧?
說回湯底, 本人認為同我在台北食到的差遠了, 這間的不夠厚同濃郁, 唔夠牛骨味, 又唔夠紅燒汁的味, 又無乜酸菜味, 一味得個辣同油. 我台灣朋友個阿媽煮的都好味得多多聲. 我的麵也煮得過淋了些許. 蛋有點硬硬的, 不過台灣很喜歡這樣食蛋 - 食過鐵蛋嘅人就應知咩回事, 但這又回到了我最近講的正宗唔正宗其實關咩事嘅問題! 做生意, 就是配合到客人的要求便有錢賺了, 你理得啲人識唔識食? 加加埋, 不算差的紅燒牛肉水餃麵, 但永遠得你叻唔俾人叻, 這種不是做人的態度... 其實牛肉方面很簡單 - 不用化學鬆化劑, 也可試試早一天便把牛腩用那紅燒汁醃起來, 慨鬆化亦入味, 隔天再拿出來炒/燒便成, 然後嘗試用低溫少少的火來作燴燉. 再不行, 索性用回香港人慣咗以為紅燒牛肉麵係用嘅牛展肉, 簿切算吧. 做唔出效果, 就唔好咁硬頸 - 你邊夠啲香港網上食評家鬥呀? SCORE (這碗): 6/10
曠肉飯 -
見到這另外的台灣名物 '紅燒曠肉飯', 當然也不會錯過, 因為香港好少有見人賣. 聽說這味是比較台中或台南的特式, 但當然台北市也有得賣. 雖說是紅燒五花肉, 但實則同以上的紅燒牛肉不太一樣. 汁同燒法都唔同, 這是比較用明火同乾身煎的. 再配埋肉燥, 硬蛋同少少宣酸菜舖上飯, 便是曠肉飯. 味幾好, 肉質比以上好得多. 肉燥反而失色了, 鹵汁唔夠鹵味, 但起碼唔怕係台灣食嗰啲, 一味係肥同豬皮. SCORE: 7/10
蜜汁燒鱔 -
不知為何又唔見咗幅相, 激氣! 不過這有點點兒腥同散散的, 而那紅紅的蜜汁也不夠厚度同層次感. 不食也罷. 仲要唔平的! SCORE: 4/10
*******************************
雖然程班長台灣牛肉麵一開頭,
好似很會聽人意見,
各位都以為好嘢執到寶了, 是台灣人習以為常對客很有禮的性格走出來...
諗住佢會慢慢 improve, 實食無痴牙
點知就是痴晒牙咁行番走出嚟!!
還是個性情大變的台灣佬 (定或是 JV 集團!).
肥仔周的一碗麵, 雖然係賣 $150 碗, 拿來比較不太實際,
但那邊的紅燒麵湯底, 真係好味得多.
這邊只是賣三份一價錢, 本來算不是太差的,
銅鑼灣租金又那麼貴.
但在台北, 同一個價格, 好食很多是事實.
我寧願程班長收我貴啲, 做個 VIP 版...
好食的我一定肯花錢. 唔好食嘅, 幾平都無用.
張貼
