潮福蒸氣石鍋 (已結業)

由5月11日想寫食評，但唔見有，而家終於等到潮福蒸氣石鍋可以寫食評喇! 當晚公司派我做代表請運輸公司食飯。姐夫話旺角開咗間蒸氣石鍋。就去試吓!我地叫咗好多海鮮, 蟲草雞。仲有排骨粥底。原來係將生米加排骨直接放係鍋裡，然後放一個有孔蒸架將生猛嘅海鮮每樣放係上面蒸。再用一個個由竹騰制嘅蓋蓋好。仲要較好時間。響鐘就會有專人幫你攞起再放第二樣落去蒸。蒸嘅時候原汁原味滴落粥底。到所有海鮮食完之後，就倫到個排骨粥，哇！果然超好味，有好鮮嘅海鮮味，粥好棉。食幾碗都唔怕。竹騰制嘅蓋蟲茸雞, 蒸嘅時間剛剛好。雞好滑, 好嫩。 又有蟲草香味蒜蓉龍蝦, 鮮味十足. 肉質爽脆. 而且龍蝦仲要做特價HK$98一斤. 兩隻都唔洗200蚊. 抵! 鮑魚, 果皮香味滲透係鮑魚裡面。而且好彈牙 排骨粥底, 由於以上的海鮮精華已全部係呢鍋粥。而且好棉, 又有肉味。 真係好味到唔知點形容.