雅園餐廳小廚 (已結業)

其實平時都冇乜幫襯呢一間餐廳，但係今日因為去敏華餐廳買飯嘅時候，佢哋話做唔切，唔做外賣，所以我唯有走咗去呢度，諗住快快趣買完去醫院探爸爸。 入到去一個阿叔招待我，我見到個餐牌寫住窩蛋免治牛飯，我問佢免治牛係咪茄汁免治牛，佢話係，於是我話要煎蛋唔要窩蛋，佢話冇問題，仲有一杯餐飲送添，盛謂$50。果下心諗真係抵到爛，因為敏華都好似要$58/$59。 等咗大約十分鐘，佢就拎住盒飯話係煎蛋免治牛。但我行到一半，從半透明嘅膠袋發現盒飯唔係茄汁嚟，而係一啲啡色嘅芡，而且嗰啲牛肉係細細舊一粒粒一片片，而唔係免治牛。我嬲到爆炸！但係因為我要趕住去探爸爸，唔想返去同佢嘈，唯有去第二間買過。 呢間嘢真係送都唔要！ 不過中肯啲講，佢嘅味道唔係差，不過呢個點都唔會係免治牛囉，商品與說明不符，點都唔會再幫襯。