芝脆雞 (已結業)

我一直有叫外賣既習慣，而芝脆雞亦係我近期最常選擇既外賣餐廰。頻率大概係一個月3-4次，談唔上係常客，但都算唔陌生。本來我對呢間餐廳既印象一直幾好。以咁既價錢黎講，芝脆雞提供既食物的確算唔錯，所以我係過去一年都keep 住有光顧佢既外賣。不過，實在唔知佢發生咩事，係呢幾個月黎，佢外賣既pizza不斷地出現同一個問題——成個批面既餡料嚴重(甚至完全)地傾往一面(即係個pizza得一邊有餡，另一邊無)。本來我都覺得係個別事件，加上當我打返去同芝脆雞講既時候，佢地都願意免費換返一個pizza比我，所以我都唔會特別唔滿意。只不過，容忍真係有極限的——而當日呢一個批，就真係完全超越左我既極限=.=上面呢個就係我果日order既批。從上圖可以見到，1 批面既餡料完全傾往圖既上方；2 個批竟然可以「變」到唔係一個圓形！我真係唔明白係點樣既「狂颷」，先至可以令到個批變成咁樣。雖然芝脆雞同往常一樣，願意再送過另一個批黎。但係每3/4次就有一次個批係咁，都實在係令人好「困擾」。佢地肯再送，但係我地都要重新再等= = (話說佢都要差唔多成個鐘後先再送到黎，如果肚餓都真)所以呢，如果大家下次光顧芝脆批，係收貨既