晴の居酒屋 (裝修中)

佐敦文英樓不嬲都係香港石屎森林嘅代表之一，係遊覽森林時唔知點解撞咗入去一間日式居酒屋，一打開門有啲覺得穿越咗去日本，全店裝修充滿日式居酒屋嘅風格，仲有好多嘅日本漫畫陳設，由最舊嘅機靈小和尚到最新嘅海賊王，我覺得我同呢度嘅老闆係同一個年代嘅人。所有食物正常水準，唔會太差亦都冇乜驚喜，但係一路聽住「直到世界的盡頭」一邊睇住牆上嘅櫻木花道，眼框開始有點模糊，擰轉面又見到宮崎駿，嗰種奇異嘅感覺令人覺得枱面嘅食物都變成「千與千尋」裏面嘅妖怪，食完行出門口食返支煙，覺得自己穿越返去佐敦道，噴出一啖煙，悼念一下消失咗嘅青春。