影片
更多
2018-07-17
138 瀏覽
食呢間餐廳有攻略既： 唔好用英文點餐，就算餐牌中英對照都好，個店員係唔知你講乜。用中文點餐都唔代表成功架，因為要乜無乜，個店員會好唔耐煩咁話你知，原來你一直睇緊個舊餐牌，而最update既餐牌係店員手上。落order, 俾錢, 恭喜您過左第一關。 諗住坐定定等舊嘢响就有嘢食？少年你太年輕了。無錯，舊嘢係會响，但岀到去佢會俾啲唔關事既嘢你，好混亂。明明我叫左蜆意粉同levender茶，第一轉佢俾左個心太軟我，第二轉俾左3壺花茶我，第三轉係黑松露意粉。。。當你去到呢個地部，唔好理，攞返去問下朋友有無叫，食左先！攞返岀去？你絕對會後悔！ 大佬關黎料，我地10個人，8舊响响嘢，不停岀去又不停攞啲奇怪嘢入黎，一個鐘後我同一個女仔fd都係未有得食。於是岀去問下啦，一岀去就見到其他客人圍住左個counter，我都明星期五人多，佢地真係會好混亂做得好辛苦。但我真係好肚餓丫，就黎食哂朋友個B啲星星餅啦。。。問佢個意粉點，佢話要等，但我等左一個鐘啦，店員都係叫我地等，咁都無辦法。等多15分鐘我終於都有得食啦😍個意粉熱騰騰既，我覺得好食喎！ 可惜
唔好用英文點餐，就算餐牌中英對照都好，個店員係唔知你講乜。用中文點餐都唔代表成功架，因為要乜無乜，個店員會好唔耐煩咁話你知，原來你一直睇緊個舊餐牌，而最update既餐牌係店員手上。落order, 俾錢, 恭喜您過左第一關。
諗住坐定定等舊嘢响就有嘢食？少年你太年輕了。無錯，舊嘢係會响，但岀到去佢會俾啲唔關事既嘢你，好混亂。明明我叫左蜆意粉同levender茶，第一轉佢俾左個心太軟我，第二轉俾左3壺花茶我，第三轉係黑松露意粉。。。當你去到呢個地部，唔好理，攞返去問下朋友有無叫，食左先！攞返岀去？你絕對會後悔！
大佬關黎料，我地10個人，8舊响响嘢，不停岀去又不停攞啲奇怪嘢入黎，一個鐘後我同一個女仔fd都係未有得食。於是岀去問下啦，一岀去就見到其他客人圍住左個counter，我都明星期五人多，佢地真係會好混亂做得好辛苦。但我真係好肚餓丫，就黎食哂朋友個B啲星星餅啦。。。問佢個意粉點，佢話要等，但我等左一個鐘啦，店員都係叫我地等，咁都無辦法。等多15分鐘我終於都有得食啦😍個意粉熱騰騰既，我覺得好食喎！
可惜朋友個意粉都係未有，再岀去問，又話3分鐘，5分鐘後再岀去問，個店員答：「我地都3分鐘煮好俾你啦，係你唔岀黎攞咋」，你舊哩唔响又點知你煮好左丫，係丫你3分鐘整個意粉俾我丫，但3分鐘前係有個半鐘呢！你地做嘢混亂仲可以咁惡對啲客。同個老闆講，佢答你有啲嘢岩就岩唔岩就唔岩，當晚有枱12人頂唔順走左，老闆仲覺得佢地走左啲嘢食岀得快左俾我地喎。。。
喂丫我食個米芝連星級餐廳9個course都係食4粒鐘姐，食你一個意粉一壺茶要等2粒鐘？！
老闆，我祝你生意興隆。
張貼