喜鍋 海鮮‧火鍋‧小廚 (已結業)

約咗友人放工行旺角，行行吓想打邊爐，見呢間幾乾淨又有人氣就試試。揀咗花雕醉雞鍋，兩個人食半隻雞剛剛好，雞肉幾嫩滑，如果酒味再濃啲仲正！由於好肚餓，就即刻點咗個現炸蟹籽墨魚油炸鬼。好香脆，墨魚彈牙，蟹籽爽脆，口感有層次。四寶餃 - 有雲吞、水餃、韮菜餃同椰酸餃，最鍾意韮菜餃，夠哂濃味。雲吞都唔錯，蝦好爽彈。降霜手切牛肉粒 - 好厚身，要煮耐啲。牛味好濃，要share食，唔係好快膩。順德魚腐 - 大大粒，好飽肚。手打鮮蝦丸 - 食到蝦肉，真材實料。如果彈牙啲仲正！