影片
更多
2017-04-03
185 瀏覽
Isquare食肆繁多，約咗家姐食晏，都唔知食乜好，隨便揀咗呢間。佢嘅枱凳都係原木色，其他以白色為主，有部份牆身裝咗d假葉，望起來好舒服。而且佢地用嘅碗碟都係我最鍾意嘅粉藍色，見到即刻佢嘅招牌係小籠包當然要叫番個啦，我習慣第一次幫襯嘅舖頭都會叫最basic嘅，佢地嘅小籠包做得較為嬌小, 湯同肉嘅比例係1：1，真心覺得唔錯，一籠有5粒，個皮好薄見到湯汁，但挾起時唔會容易穿，我地唔係一條氣食晒佢，放到最後食果粒(都放咗20分鐘左右先食最後一粒)嘅皮都唔會硬，呢點真係好多家都做唔到，下次再來真係要試多幾款先得。小食方面叫咗個雜錦豆乾絲同涼拌萵筍, 豆腐乾配埋海帶+好似麵條, 有少少辣香, 只不過係小朋友嘅級數. 涼拌萵筍份量就有點少, 用咗醋同麻油去撈, 酸酸地又爽口, 做前菜嘅最好選擇.另外叫咗個鍋貼, 一碟6隻, 個底煎得好脆口, 餡料有肉汁未至於流出嚟, 個皮厚度適中, 我習慣唔點醋食先至最好味.最後我地每人叫咗一碗麵SHARE食, 薺菜餛飩麵($48), 同油蔥拌面($38), 2碗麵底都係一樣嘅, 但一個放湯一個乾撈, 食起來油蔥拌面果個會香口D, 有好多炸過嘅蒜頭去撈, 我lik
佢嘅枱凳都係原木色，其他以白色為主，有部份牆身裝咗d假葉，望起來好舒服。而且佢地用嘅碗碟都係我最鍾意嘅粉藍色，見到即刻
佢嘅招牌係小籠包當然要叫番個啦，我習慣第一次幫襯嘅舖頭都會叫最basic嘅，佢地嘅小籠包做得較為嬌小, 湯同肉嘅比例係1：1，真心覺得唔錯，一籠有5粒，個皮好薄見到湯汁，但挾起時唔會容易穿，我地唔係一條氣食晒佢，放到最後食果粒(都放咗20分鐘左右先食最後一粒)嘅皮都唔會硬，呢點真係好多家都做唔到，下次再來真係要試多幾款先得。
小食方面叫咗個雜錦豆乾絲同涼拌萵筍, 豆腐乾配埋海帶+好似麵條, 有少少辣香, 只不過係小朋友嘅級數. 涼拌萵筍份量就有點少, 用咗醋同麻油去撈, 酸酸地又爽口, 做前菜嘅最好選擇.
另外叫咗個鍋貼, 一碟6隻, 個底煎得好脆口, 餡料有肉汁未至於流出嚟, 個皮厚度適中, 我習慣唔點醋食先至最好味.
最後我地每人叫咗一碗麵SHARE食, 薺菜餛飩麵($48), 同油蔥拌面($38), 2碗麵底都係一樣嘅, 但一個放湯一個乾撈, 食起來油蔥拌面果個會香口D, 有好多炸過嘅蒜頭去撈, 我like 呢個. 薺菜餛飩都唔錯嘅選擇, 唔會有好多調味料喺入面, 大部份都係菜, 清清地配上湯麵一起食至夾.
呢間舖嘅生意都唔錯, 人流不絕, 有部份外國客來幫襯, 店內嘅職員都係40歲以上嘅, 做事手法好似屋邨酒樓咁, 叫親佢都叫你等陣, 但轉咗幾個圈都唔過來, 而我好欣賞連鎖店會聘請這類年齡嘅員工, 唔同一般餐廳只請後生仔. 但年齡較高也需要配合而家時代嘅服務方式, 起碼叫咗客人等陣, 真係要盡快去處理, 希望餐廳管理人可以改正下員工嘅思想, 咁就very good喇.
張貼
