影片
更多
2008-09-05
11 瀏覽
剛試完樓下那家店, 又再試埋樓上這家去比一比.午市人客不算太多, 起碼小弟係包了吧臺的一整邊. 吧臺係呈L型的, 一邊係壽司刺身, 另一邊就係爐端燒. 見這裡的師傅都係港人, 但反而店員就港日都有, 不知晚市是否有日籍師傅助陣呢? 午市餐牌選擇不少, 有簡簡單單的定食, 但小弟貪心的要了個一人前的誠料理, $180一位. 這個係午市最貴的料理, 其他的午餐大約七八十元都有交易, 不過一場來到, 也想試試這個招牌的料理.誠料理: 5分, 相當大堆頭的陣式. 店方先送了一支You C1000的日本熱賣健康飲品. 要了檸檬味, 都係偏酸, 麻麻地, 飲不完. 都係飲茶更對口味.前菜: 開始這個料理的當然係前菜, 汁煮牛舌幾淋, 但跟蓮藕一樣, 未夠入味, 反而喜歡滑滑的冷豆腐, 係炎夏吃個冷冷的前菜, 不俗. 但跟著豆腐的蝦無乜鮮味.沙律: 不太日式的, 下了不少沙律醬, 不是小弟的心水. 菜的色澤不太新鮮.吃完沙律同埋前菜, 開始一段不短的等待. 其實客人不算很多, 為何上菜的效率不太高? 始終吃平日的午餐, 也應該係爭取時間讓客人係午餐時間前吃完的.刺身三點盛: 等了一大輪, 係店方不停
午市人客不算太多, 起碼小弟係包了吧臺的一整邊. 吧臺係呈L型的, 一邊係壽司刺身, 另一邊就係爐端燒. 見這裡的師傅都係港人, 但反而店員就港日都有, 不知晚市是否有日籍師傅助陣呢?
午市餐牌選擇不少, 有簡簡單單的定食, 但小弟貪心的要了個一人前的誠料理, $180一位. 這個係午市最貴的料理, 其他的午餐大約七八十元都有交易, 不過一場來到, 也想試試這個招牌的料理.
誠料理: 5分, 相當大堆頭的陣式. 店方先送了一支You C1000的日本熱賣健康飲品. 要了檸檬味, 都係偏酸, 麻麻地, 飲不完. 都係飲茶更對口味.
前菜: 開始這個料理的當然係前菜, 汁煮牛舌幾淋, 但跟蓮藕一樣, 未夠入味, 反而喜歡滑滑的冷豆腐, 係炎夏吃個冷冷的前菜, 不俗. 但跟著豆腐的蝦無乜鮮味.
沙律: 不太日式的, 下了不少沙律醬, 不是小弟的心水. 菜的色澤不太新鮮.
吃完沙律同埋前菜, 開始一段不短的等待. 其實客人不算很多, 為何上菜的效率不太高? 始終吃平日的午餐, 也應該係爭取時間讓客人係午餐時間前吃完的.
刺身三點盛: 等了一大輪, 係店方不停的抱歉下, 終於來了客刺身三點盛. 大大件的三文魚在場, 實在有點意外. 加上係相當厚的厚切, 都幾難令人有興趣. 不過總算新鮮的.
爐端燒: 總共三串, 沒有了和牛, 以黑豚肉頂上, 肉質一般, 吃不出係黑豚肉的級數, 只見有好大部份的肥肉. 肥瘦相間就係吸引, 但現在的賣相就麻麻. 也過了火, 有一件係幾難咬開的., 鮮鰻魚沒有用汁去燒, 都帶點腥味, 這個做法, 不太好. 雞肉軟骨棒的汁杰杰的, 下得太多汁了. 這三串爐端燒的最大問題係不夠香口, 沒有了燒出來的感覺.
海參煮物: 個海參相當淡, 無乜味道.
吉列生蠔, 海蝦: 小弟只係跟上餐牌去寫這個係吉列生蠔, 海蝦, 但上臺的似乎係天婦羅什菜, 也難得再去跟店方轉換了, 不知轉一轉又要等幾耐? 天婦羅炸得幾多油, 當然不是甚麼水準之作.
魚翅茶碗蒸蛋: 不明白加上魚翅的目的, 跟碗蒸蛋係不太匹配, 就這樣放係面. 蛋不太滑, 也不夠熱.
特式炒飯: 普通的炒飯, 無乜火氣, 不夠香口, 不知有甚麼特色了.
紅豆雪糕: 餐後的甜品, 竟然係這麼細件的雪糕, 係平日吃開的一球雪糕的三分之一, 也雪得相當冰凍, 吃落口沒有了軟滑的口感, 只有冰冷的冰感, 也當然不能吃得出紅豆的味道.
生果: 有兩種, 係蜜瓜同埋火龍果, 用碎冰蓋著, 其實也不覺得會冰冷一點, 反而吃得幾麻煩, 除非係想吃吃生果冰.
或許便宜一點的午餐會感覺上抵一點, 這個誠料理連加一的價位去到$208, 實在不值. 整體食物只係好勉強的合格. 服務也只係一般, 上菜慢, 加茶又無影.
店名好像跟出來的質素沒有甚麼關係.
張貼
