Y Show Tasty (已結業)

又黎到尖沙咀食野，放假都係想悠閒啲，揀咗西餐食下。呢間新開張咗一段時間的Y Show Tasty 係唔錯的選擇，環境清靜，坐得舒服，座位寬落。今晚決定散叫，試下唔同的野食。香煎帶子配大啡菇，$88,帶子有三粒，大粒厚肉，食落鮮甜美味，加上微煎過，更香味，大啡菇燒得好多汁，食落嫩滑，加上香草醬，味道豐富。橄欖油蒜片炒意粉，好欣賞佢個意粉質感好煙韌，炒得好爽口乾身，好似係手製一樣，富有小麥味，只要加上香脆的蒜片，味道已經一流。香燒荷蘭黑啤豬手配酸椰菜，豬手皮燒得超脆的，有微微的黑啤味，第一次試呢種味道的燒豬手，好有驚喜，肉質又嫩滑，點醬食好夾。甜品心太軟配雲呢拿雪糕，熱溶溶的流心朱古力醬，加淋身滑溜的朱右力蛋糕，好满足。仲有Sangria 係買一送一的，夜晚時間都有的，好抵飲的。