祥囍煲仔小廚

營業中

休息中

雖然慢慢步入炎夏，但我哋今個冬天竟然無食過煲仔飯！所以我哋捉住冬天嘅尾巴（其實已經5月仲點捉住？），去到呢間位於筲箕灣嘅祥囍煲仔小廚，祥囍煲仔小廚最出名就係煲仔飯，今日就同M佬一於夏日熱辣辣啦。椒鹽鮮魷鮮魷份量多，熱辣辣脆卜卜，蒜香同椒鹽味夠出，食落好有層次，夠晒開胃！魚香茄子煲一個靚仔吖，唔該！食魚香茄子煲又點可以無白飯呢！上枱時仲係好熱，滋滋聲好吸引！鹹魚味好香，肉碎粒好多，而茄子索晒味！鹹蛋蒸肉餅蒸肉餅同出面嘅唔一樣，肉餅較實，但其實咁先代表肥肉唔多，食得夠健康。臘腸排骨飯重點嘅煲仔飯嚟喇！最重要當然唔少得飯焦啦，飯焦充滿陣陣嘅焦香味，而臘腸同排骨份量唔少，好滿足。