鼓堡音樂餐廳

營業中

休息中

今次同相識15週年的好姊妹慶祝生日，又去返我地既大本營，呢度既食物當然唔使多講，質素有保證，呢兩三年間見證住呢間live house愈來愈旺場，作為忠實食客都感到自豪的。每次我都係直接打電話訂位，可能係熟客既關係，佢地都會俾返做緊推廣果d優惠折扣俾我，即係唔使用網上訂座都有折，好貼心呀！呢個亦都係我地會經常黎食野既原因，同店建立左一份友誼了。今次訂位時，接電話既人應該係老闆，因為原來下午時間未開始營業時會飛線去左老闆電話度，由老闆接訂位，但我又未親身見過老闆喎，好得意。我係電話度話同朋友慶祝生日，佢就話剛推出左生日蛋糕，全部係店每日新鮮做的，有好多款口味，而且佢知道我係熟客仔，唔使我俾訂金添。我揀左我姊妹最鐘意既芒果味，佢地有隻味叫Bailey, 應該係朱古力酒味道，下次要試試。最重點係從此就唔使出去買蛋糕又要俾切餅費咁麻煩喇！一間餐廳會去從客人角度去想，真的很好。